بلوچستان کے ضلع پنجگور میں نامعلوم مسلح افراد کی فائرنگ کے نتیجے میں ایک شخص جاں بحق ہوگیا۔ ذرائع کے مطابق جاں بحق ہونے والے شخص کی شناخت عبداللہ کے نام سے ہوئی ہے۔
اطلاعات کے مطابق مسلح افراد نے اچانک فائرنگ کی، جس کے باعث عبداللہ موقع پر ہی دم توڑ گیا۔ واقعے کے بعد حملہ آور فرار ہونے میں کامیاب ہوگئے۔
واقعے کی اطلاع ملتے ہی مقامی انتظامیہ جائے وقوعہ پر پہنچ گئیں اور لاش کو اپنی تحویل میں لے کر ضروری کارروائی کا آغاز کردیا۔ پولیس کے مطابق واقعے کی وجوہات تاحال سامنے نہیں آسکیں، تاہم مزید تحقیقات جاری ہیں۔
