تربت کے علاقے سنگانی سر، مومن محلہ میں نامعلوم موٹر سائیکل سواروں کی فائرنگ سے ایک نوجوان ہلاک ہو گیا۔
پولیس کے مطابق فائرنگ سے ہلاک ہونے والے نوجوان کی شناخت بالاچ ولد خالد، سکنہ سنگانی سر تربت کے نام سے ہوئی ہے۔ واقعہ اس وقت پیش آیا جب نامعلوم افراد موٹر سائیکل پر سوار ہو کر آئے اور فائرنگ کے بعد موقع سے فرار ہو گئے۔
اطلاع ملنے پر پولیس نے جائے وقوعہ سے لاش کو تحویل میں لے کر ضروری قانونی کارروائی کے لیے ہسپتال منتقل کر دیا۔ واقعے کی وجوہات اور ملزمان کی شناخت کے حوالے سے تحقیقات جاری ہیں، تاہم تاحال واقعے کے محرکات معلوم نہیں ہو سکے۔
