بلوچستان کے علاقے بولان میں نامعلوم مسلح افراد نے کرش پلانٹ پر کام کرنے والے تین مزدوروں کو اغواء کر لیا۔
بولان پولیس کے مطابق واقعہ مچھ پولیس تھانے کی حدود میں پیش آیا، جہاں نامعلوم مسلح افراد کرش پلانٹ پر پہنچے اور وہاں کام کرنے والے تین مزدوروں کو زبردستی اپنے ہمراہ لے گئے۔
واقعے کی اطلاع ملتے ہی پولیس کی بھاری نفری موقع پر پہنچ گئی۔ پولیس نے مقدمہ درج کرکے اغواء ہونے والے مزدوروں اور ملزمان کی تلاش شروع کر دی ہے جبکہ علاقے میں سرچ آپریشن بھی جاری ہے۔
