بلوچستان کے ضلع پنجگور کے علاقے گرمگان میں نامعلوم مسلح افراد کی فائرنگ کے نتیجے میں ایک شخص زخمی ہو گیا۔
پولیس کے مطابق زخمی ہونے والے شخص کی شناخت نعیم ولد عبیداللہ کے نام سے ہوئی ہے، جنہیں فائرنگ کے بعد فوری طور پر طبی امداد کے لیے ہسپتال منتقل کیا گیا ہے۔
پولیس حکام کا کہنا ہے کہ واقعے کے بعد حملہ آور فرار ہو گئے جبکہ جائے وقوعہ سے شواہد اکٹھے کر لیے گئے ہیں۔ واقعے کے محرکات جاننے اور ملزمان کی گرفتاری کے لیے مزید تفتیش جاری ہے۔
