بلوچ لبریشن آرمی کے ترجمان جیئند بلوچ نے میڈیا کو بیان جاری کرتے ہوئے کہا کہ سرمچاروں نے مستونگ اور پنجگور میں دو مختلف کارروائیوں میں قابض پاکستانی فوج کو آئی ای ڈی حملے میں نشانہ بنایا اور زیرِ حراست ایک اہلکار کو ہلاک کردیا۔
ترجمان نے کہا کہ بلوچ لبریشن آرمی کے سرمچاروں نے مستونگ کے علاقے مَرو کنڈ کے مقام پر قابض پاکستانی فوج کی بم ڈسپوزل ٹیم کے پیدل اہلکاروں کو اس وقت ایک ریموٹ کنٹرول آئی ای ڈی حملے میں نشانہ بنایا جب وہ راستے کی کلیئرنس میں مصروف تھے، دھماکے میں قابض فوج کے تین اہلکار موقع پر ہلاک ہوگئے۔
انہوں نے کہا کہ بلوچ لبریشن آرمی کے سرمچاروں نے منگل کے روز پنجگور میں قابض پاکستانی فوج کے ایک اہلکار دودا خان ولد دین محمد سکنہ وشبود، پنجگور کو پاردان کے علاقے میں اس وقت حراست میں لیا جب وہ بھیس بدل کر مخبری کی غرض سے علاقے میں نقل و حرکت کررہا تھا۔
ان کا کہنا تھا کہ دودا خان سے دورانِ تلاشی قابض فوج کے سروس کارڈ سمیت ٹریکنگ چِپ برآمد ہوئی جبکہ اس نے دورانِ تفتیش اعتراف کیا کہ وہ بھیس بدل کر کافی عرصے سے قابض فوج کیلئے مخبری و سہولت کاری کا کام سرانجام دے رہا ہے۔ اہلکار نے اعتراف کیا کہ اس کو ٹریکنگ چِپ علاقے میں پہنچانے کا ٹاسک دیا گیا تاہم سرمچاروں نے راستے میں اسے گرفتار کیا۔
انہوں نے مزید کہا کہ قابض فوج کے اہلکار دودا خان نے اعتراف کیا کہ وہ قابض فوج کے ہمراہ فوجی جارحیتوں میں براہِ راست ملوث رہا ہے جہاں وہ گھروں کو نذرِ آتش کرنے اور نوجوانوں کو جبری لاپتہ کرنے جیسے جرائم کا مرتکب ہوا ہے۔
ترجمان نے کہا کہ بلوچ لبریشن آرمی کے سرمچاروں نے قابض فوج کے مذکورہ اہلکار کو پاردان کے علاقے میں ہلاک کرکے اس کے منطقی انجام تک پہنچا دیا۔
