بلوچستان لبریشن فرنٹ کے میڈیا سیل آشوب نے 10 نومبر 2024 کو دشت کے علاقے کھڈان میں فوجی کیمپ پر ہونے والے خوفناک حملے کی ویڈیو فوٹیج جاری کی ہے، ویڈیو میں بی ایل ایف کے سرمچاروں کو 25 اور 30 میٹر کے فاصلے سے فوجی کیمپ پر حملہ کرتے دیکھا جا سکتا ہے۔
ویڈیو کے آغاز میں سرمچاروں کی ایک بڑی تعداد کو پہاڑی علاقے سے اپنے مشن کی طرف جاتے ہوئے دیکھا جا سکتا ہے، جس میں سرمچار جدید اور بھاری ہتھیاروں سے لیس ہیں۔ جبکہ سرمچاروں کے ایک اور دستے کو سڑک پر رکاوٹیں کھڑی کرتے ہوئے دیکھا جا سکتا ہے جو بظاہر فوجی کیمپ کے اہلکاروں کی مدد کے لیے آنے والے قافلے کو نشانہ بنانے کی منصوبہ بندی کر رہے ہیں۔ سرمچاروں نے رات کی تاریکی میں دشمن اہلکاروں کی مدد کے لیے آنے والے ایک قافلے کو بھی نشانہ بنایا۔
سرمچاروں کو دشمن فوج کے بالکل قریب کمروں کی چھتوں پر چڑھ کر جدید اور بھاری ہتھیاروں سے تیز رفتاری سے دشمن پر حملہ کرتے دیکھا جا سکتا ہے۔ چند منٹوں میں بی ایل ایف کے سرمچاروں نے راکٹ لانچروں اور A-1 گولوں سمیت دیگر جدید ہتھیاروں سے فورسز کیمپ کی سیکورٹی پوسٹوں کو تباہ کردیا اور کیمپ کے قریب پہنچ گئے۔
ویڈیو میں ایک بلوچ جنگجو کو فورسز سے آمنے سامنے لڑتے ہوئے شہید ہوتے دیکھا جا سکتا ہے جبکہ دیگر ساتھی اپنے شہید ساتھی کی جسد کو میدان جنگ سے لے جا رہے ہیں۔
جبکہ سرمچاروں کے ایک اور دستے دشمن سے لڑنے میں مصروف دیکھے جا سکتے ہیں۔ اور ویڈیو کے آخر میں دو گاڑیوں میں سوار سرمچاروں کو بی ایل ایف اور بلوچستان کے جھنڈے لہراتے ہوئے قریبی بازار سے گزرتے ہوئے دیکھا جا سکتا ہے جہاں بلوچ عوام اپنے محافظوں کا پرتپاک استقبال کر رہے ہیں۔
