دالبندن میں ہونے والے جلسے کی حمایت کرتے ہیں،بلوچ گلزمین میں جبر کے خاتمے کے لیے بلوچ کی حق حاکمیت تسلیم کرنا ضروری ہے۔این ڈی پی

شال ( مانیٹرنگ ڈیسک )  شال نیشنل ڈیموکریٹک پارٹی  کے مرکزی ترجمان نے جاری بیان میں کہاہے کہ 25 پچیس جنوری کو دالبندین میں بلوچ یکجہتی کمیٹی کے زیرِ اہتمام منعقد ہونے والے جلسے کی بھرپور حمایت کرتی ہے۔ یہ جلسہ بلوچ عوام کے حقوق، جغرافیائی تقسیم، اور نوآبادیاتی پالیسیوں کے خلاف ایک اجتماعی آواز بلند کرنے کا اہم موقع ہے۔ بلوچ گلزمین اس وقت مختلف جبر کا شکار ہے جس میں سب سے بڑی جبر اس کی جغرافیائی تقسیم بھی شامل ہے، بلخصوص قلات ریاست کی مرکزیت کو تقسیم کر کے بلوچ عوام کو سیاسی، سماجی، ثقافتی اور معاشی  استحصال  کا سامنا ہے. بلوچ عوام کو جبری گمشدگی، ٹارگٹ کلنگ، اور مسخ شدہ لاشوں کے ذریعے خاموش کرانے سمیت اپنی ہی گلزمین میں کسمپریسی کی زندگی گزارنے پر مجبور کیا جا رہا ہے ۔


انھوں نے کہاہے کہ اسی طرح سیندک اور ریکوڈک کے وسیع معدنی ذخائر ملٹی نیشنل کمپنیوں کو بیچا جا رہا  ہے ، جبکہ سوئی گیس سے  ریاستی بالآدست صوبہ پنجاب کو فائدہ پہنچایا جا رہا ہے اور بلوچ عوام خود ان بنیادی ضروریات سے محروم ہے۔

بلوچ عوام کے معاشی قتل کی پالیسیوں میں ان کے روزگار کے ذرائع کو محدود کرنا، ماہی گیروں سے ساحلی وسائل چھین کر سامراجی عزائم پورے کرنے کے لئے نیوی اور بین الاقوامی ٹرالر مافیا کے حوالے کرنا، حب ڈیم کا پانی فیکٹریوں اور ٹینکر مافیا کے سپردکرنا، اور بلوچستان کے صنعتوں میں بلوچوں کے داخلے پر رکاوٹیں حائل کرنا شامل ہیں۔ تعلیم، صحت، اور بنیادی ڈھانچے کے شعبے بری طرح نظر انداز کیے جا چکے ہیں، جس کی وجہ سے عوام روڈ حادثات اور کینسر جیسی بیماریوں میں مبتلا ہو رہے ہیں۔ منشیات کو عام کر کے بلوچ نوجوانوں کو تباہ کیا جا رہا ہے۔

ترجمان نے کہاہے کہ نیشنل ڈیموکریٹک پارٹی کا دعویٰ ہے کہ یہ تمام استحصالی منصوبے اور بلوچ کی نسل کشی ریاستی سرپرستی میں کی جا رہی ہیں، جس کا مقصد بلوچ عوام کی زندگی کو مشکل بنانا اور ان کے حقوق چھیننا ہے۔ یہ واضح ہے کہ سامراجی ریاست صرف بلوچ گلزمین کے وسائل پر اپنا مکمل دسترس  چاہتا ہے ۔ این ڈی پی اس بات پر یقین رکھتی ہے کہ  خطے میں امن  کے لیے بلوچ  وطن میں اسکی حق حاکمیت کو تسلیم کرنا ضروری ہے۔

نیشنل ڈیموکریٹک پارٹی بلوچ یکجہتی کمیٹی  کو دور حاضر میں بلوچ کی ایک توانا سیاسی آواز سمجھتے ہوئے  انکی سیاسی جدوجہد کی مکمل حمایت کرتی ہے اور  پچیس جنوری کے جلسے سمیت نوآبادیاتی پالیسیوں اور انسانی حقوق کی پامالیوں کے خلاف تمام احتجاجی تحریکوں کا ساتھ دیتے رہیں گے ۔ یہ وقت ہے کہ بین الاقوامی برادری بلوچ کی  حقِ حاکمیت  کو تسلیم کرتے ہوئے بلوچ نسل کشی، نوآبادیاتی نظام اور ریاستی جبر و تشدد کے پالیسیوں کو ختم کرنے میں اپنا کردار ادا کریں۔

مدیر

نیوز ایڈیٹر زرمبش اردو

مدیر

نیوز ایڈیٹر زرمبش اردو

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

دشت اور تمپ حملوں کی زمہ داری قبول کرتے ہیں۔ بی ایل ایف

منگل جنوری 21 , 2025
بلوچستان لبریشن فرنٹ کے ترجمان میجر گہرام بلوچ نے میڈیا کو بیان جاری کرتے ہوئے کہا ہے کہ سرمچاروں نے دشت اور تمپ میں قابض پاکستانی فوج کو نشانہ بناکر جانی و مالی نقصان پہنچایا۔ انہوں نے کہا ہے کہ سرمچاروں نے بیس جنوری کی شام ساتھ بجکر بیس منٹ […]

توجہ فرمائیں

زرمبش اردو

زرمبش آزادی کا راستہ

زرمبش اردو ، زرمبش براڈ کاسٹنگ کی طرف سے اردو زبان میں رپورٹس اور خبری شائع کرتا ہے۔ یہ خبریں تحریر، آڈیوز اور ویڈیوز کی شکل میں شائع کی جاتی ہیں۔

آسان مشاہدہ