ہیومن رائٹس کمیشن آف پاکستان نے سوشل میڈیا کے پلیٹ فارم ایکس پر اپنے جاری بیان میں لکھا ہےکہ یہ جان کر شدید تشویش ہے کہ حکام نے تونسہ شریف میں ایک پُرامن ریلی کے کئی منتظمین اور شرکاء کو اُن کے گھروں سے اغوا کر لیا ہے۔ اغوا ہونے والوں میں بی این پی کے رہنماء ذوالفقار بلوچ اور کارکنان رسول بخش شاہوانی بزدار اور اسلم بزدار بھی شامل ہیں۔ درحقیقت، جبری گمشدگیوں کے خلاف حالیہ بلوچ احتجاج کے ساتھ اظہارِ یک جہتی کے لیے نکلنے والی ریلی ہی کا پولیس کے عتاب کا نشانہ بن جانا ظاہر کرتا ہے کہ پُرامن اجتماع کو کچلنے کی کھلے عام کوششیں جاری ہیں۔ ایچ آر سی پی ریلی کے منتظمین اور شرکاء کے اغواء کی فوری تحقیقات کا مطالبہ کرتا ہے اور ریاست کو مشورہ دیتا ہے کہ وہ شہریوں کے بنیادی حقوق کو بزور طاقت یا ماورائے عدالت ہتھکنڈوں سے دبانے سے باز رہے۔
![](http://urdu.zrumbesh.com/wp-content/uploads/2024/01/HRCP-1024x683.jpg)